Trepça fitoi gjysmëfinalen e parë të “Play-off”-it ndaj Sigal Prishtinës me shifrat 80:65 (18:17, 23:11, 23:17, 16:20).

Çereku i parë ishte kryesisht i baraspeshuar, me vendasit që kishin epërsi të lehtë, por kjo pjesë përfundoi 18:17. Mitrovicasit ishin më të mirë në periudhën e dytë, duke ngritur epërsinë, ku shkuan në pushim me shifrat 41:28.

Pjesa e dytë ishte e barabartë, megjithatë, mitrovicasit ruajtën epërsinë dhe kontrolluan lojën, duke mos e rrezikuar fitoren, për të fituar në fund, 80:65.

Te vendasit u dalluan Michael Myres Jr me 19 pikë, pesë kërcime e pesë asistime, Tekele Cotton me 21 pikë, pesë kërcime e gjashtë asistime dhe Drilon Hajrizi me 17 pikë e katër kërcime, ndërsa te mysafirët Donte Clark me 19 pikë.

Skuadra që shënon tri fitore kualifikohet në finale. Çifti tjetër gjysmëfinal është Bashkimi-Peja, ku sfida e parë zhvillohet të dielën në Prizren./rtk